Am fwy o wybodaeth, cysylltwch â ni ar
ionleadership@swansea.ac.uk

Diolch am yr atgofion. Beth am i ni greu mwy.

Ysgrifennwyd gan A.R.Fairbank@swansea.ac.uk / 22/12/2023

Ar ein diwrnod gwaith olaf ni yn 2023, roeddwn i eisiau manteisio ar y cyfle i ddweud diolch. Fel rydych chi’n gwybod, ar ddiwedd 2023 mae pennod gyfredol rhaglen arweinyddiaeth wych ION yn croesi ei llinell derfyn olaf wrth i'n cyllid ni gan WEFO / ESF ddod i ben.

Fodd bynnag, mae pennod newydd wedi dechrau eisoes, ac rydyn ni wrth ein bodd y bydd ION Leadership yn rhan yn awr o Ysgol Reolaeth Prifysgol Abertawe. Mae cymaint o sgyrsiau hynod gyffrous wedi digwydd yn ystod yr ychydig fisoedd diwethaf, a chymaint o gyfleoedd wedi dod i’n rhan ni. Byddwn yn parhau i gefnogi cynnydd yr agenda arweinyddiaeth ar gyfer busnesau yng Nghymru ac i fanteisio ar ein gwaddol o gefnogi'r dalent a'r potensial anhygoel ym musnesau Cymru. Rydyn ni’n edrych ymlaen at rannu'r cyfleoedd hyn gyda chi wrth iddyn nhw godi yn 2024.

Yn ystod y cyfnod yma o newid a chynnydd, rydyn ni’n adlewyrchu ar y ffaith na allem fod wedi cyrraedd lle'r ydyn ni heddiw heb ein cymunedau ni, ein rhwydwaith ni sy'n cynnwys cymaint o bobl ysbrydoledig a chefnogol.

Yn gyntaf, diolch enfawr i bawb sydd wedi gweithio i LEAD Wales ac ION leadership. Ein timau darparu, marchnata, ymchwil, gweithrediadau, hyfforddwyr, y tîm arweinyddiaeth, y grŵp llywio, cydweithwyr yn Abertawe a Bangor. Mae wedi bod yn ymdrech dîm fawr, a'r tîm ydi'r hyn sydd wedi gwneud y rhaglen mor arbennig. Diolch o galon.

I bawb sydd wedi siarad yn ein digwyddiadau ni, neu wedi rhannu eu straeon ysbrydoledig yn ein dosbarthiadau meistr, neu roi geirda o ran sut mae ION wedi eu galluogi i greu newid mawr ynddyn nhw eu hunain neu eu busnes. Diolch.

I'r holl bartneriaid rydyn ni wedi gweithio gyda nhw dros y blynyddoedd - o NatWest ac FSB Cymru i Chwarae Teg a Busnes Cymru. Diolch. Bu rhai enghreifftiau gwych o gydweithredu dros yr 14 mlynedd diwethaf, a gobeithio y bydd y partneriaethau hyn yn parhau.

I WEFO, Prifysgol Abertawe a Phrifysgol Bangor. Diolch i chi am eich cefnogaeth ddiwyro. Ni fyddem wedi gallu cyflawni dim ohono hebddoch chi.

Ac yn olaf, ein cyn-fyfyrwyr ni - bron i 2000 ohonoch chi. Diolch i chi am yr amser a'r ymroddiad rydych chi wedi'u dangos i'n rhaglenni ni. Diolch i chi am gamu allan o'r byd sy’n gyfforddus i chi wrth i chi gymryd rhan yn ein gweithgareddau. Diolch i chi am fod yn chi'ch hun ac am fod yn onest yn ystod trafodaethau grŵp. Diolch i chi am fod yn rhyfeddol.

Suzanne Parry Jones

Sylwadau

Astudiaeth achos

Gweld pob un

""Un o'r pethau gorau rydw i wedi'i wneud yn fy mywyd i. O ran dod â fi allan o fy nghragen a rhoi ymdeimlad o hunaniaeth i mi mewn gwirionedd. Roeddwn i'n weithiwr, ac wedyn fe ddois i'n Rheolwr, a nawr rydw i'n Rheolwr Rhanbarthol. A phwy a ŵyr ble fydda’ i yn y dyfodol.""

Ashley Miles, Rheolwr Rhanbarthol, Miles Hire

Dysgu mwy

Astudiaeth achos

Gweld pob un

""Gallaf fynd â llawer o'r hyn rydyn ni wedi'i ddysgu yn ôl i'r busnes. Roedd person arall o'r un busnes ar y cwrs yma gyda mi a byddai'n wych i'r ddau ohonon ni eistedd i lawr, adlewyrchu ar yr hyn rydyn ni wedi'i ddysgu a mynd â hynny yn ôl i mewn i'r busnes"."

Aled Jones, Rheolwr Cynhyrchion, Hospital Innovations

Dysgu mwy

Astudiaeth achos

Gweld pob un

""Mae fy nyhead a fy ngallu i i ddysgu yn tyfu gyda phob sesiwn. Mae fy meddwl i’n cael ei ymestyn, ac rydw i'n datblygu o ganlyniad i'r cynnwys a'r profiad sy’n cael ei rannu gydag eraill.""

Dennis O’Connor, Rheolwr Partneriaethau a Masnachol, Croeso Sir Benfro

Dysgu mwy

Astudiaeth achos

Gweld pob un

""Rydw i wastad wedi argymell y cwrs yma o'r dechrau un ers y profiad dros nos. Hwn oedd y cwrs mwyaf pleserus i mi ei wneud erioed (ac rydw i wedi gwneud cryn dipyn!). Fe wnaeth fy merch a fy mhartner busnes ddilyn y cwrs, roedd gennym ni reolwr arall wnaeth ei gwblhau y llynedd ac un arall yn dechrau yn y flwyddyn newydd. Rydw i'n meddwl y dylai pob person o fewn rôl arweinyddiaeth brofi'r cwrs yma. Mae'n wahanol i unrhyw un arall ac mae'r sgiliau sydd wedi’u dysgu, a’r twf personol, yn rhywbeth na ddylid ei golli. Mae’n siŵr o ysbrydoli unrhyw arweinydd, mae’n siŵr o ddod â gwên i wythnos o straen a rhai strategaethau i'ch helpu chi drwyddi. Rydw i’n credu bod hwn yn un cwrs na fedr fethu yn syml iawn"."

Lynda Hale, Tŷ Teulu

Dysgu mwy

Astudiaeth achos

Gweld pob un

"“Heb y cwrs ION, ni fyddai Empower yn bodoli, does dim amheuaeth – ’allwch chi ddim cael gwell cymeradwyaeth na hynny!”"

Jo Juliff, Sylfaenydd, Empower Wellbeing

Dysgu mwy

Astudiaeth achos

Gweld pob un

""Roedden ni’n ei chael yn anodd cael dros £2 filiwn o refeniw fel cwmni. Yr hyn a roddodd ION leadership i mi oedd yr hyder i edrych ar gaffaeliadau, edrych ar ddod â mwy o staff i mewn, edrych ar wahanol wasanaethau, ac yn gyffredinol, ym mlwyddyn gyntaf ION leadership, fe wnaethon ni gyrraedd £2.1 miliwn, a oedd yn gyflawniad aruthrol, a nawr, 18 mis yn ddiweddarach, mae'r cwmni'n troi mwy na £4 miliwn. ’Fyddwn i ddim wedi gallu gwneud hynny heb ION leadership. ’Fyddwn i ddim wedi bod yn ddigon hyderus"."

Alex-Michelle Parr, Rheolwr Gyfarwyddwr, Wolfestone Translation

Dysgu mwy