Am fwy o wybodaeth, cysylltwch â ni ar
ionleadership@swansea.ac.uk

Rhaglen Arwain Twf (DB9) - Ar-lein & Bangor

Proses cofrestru wedi cau

Mae'r cwrs wedi gorffen.

Crynodeb cwrs

**Nodwch os gwelwch yn dda y gall rhai o’r dyddiadau neu drefn sesiynau gael eu diwygio cyn y Diwrnod Sylfaen. Byddwn yn cadarnhau amseroedd cychwyn y sesiynau cyn y dyddiad cychwyn. Oherwydd rheoliadau Covid19 efallai bydd angen i ni newid dyddiad y Digwyddiad Dysgu sydd ar hyn o bryd wedi’i drefnu ar gyfer Ionawr 2021 – mae hyn yn ddibynnol ar Reoliadau Pellhau Cymdeithasol a Chyfarfodydd **

Deall amrywiaeth o arddulliau arwain a'r effaith ar berfformiad sefydliadau
Datblygu'r gallu i arwain, ysgogi ac ysbrydoli eraill i gyflawni canlyniadau
Gyrru cynhyrchiant a pherfformiad
Ymuno â chymuned o bobl frwd ac uchelgeisiol
Datblygu persbectif mwy strategol
Gwella twf personol

Bydd Rhaglen Arwain Twf ION yn canolbwyntio ar y sgiliau hanfodol sydd eu hangen ar arweinwyr a rheolwyr mewn sefydliadau bach, canolig a mawr. Bydd yn rhoi pwyslais penodol ar ddatblygu eu sgiliau arwain i hwyluso twf eu busnesau.

Bydd y Rhaglen yn cyflwyno Arferion Gwaith Perfformiad Uchel (HPWP) i gyfranogwyr, gan roi pwyslais arbennig ar arwain eu hunain ac arwain eraill, a’u galluogi nhw i ddatblygu a gweithredu cynlluniau cynaliadwy sy'n gyrru cynhyrchiant a pherfformiad eu sefydliad ymhellach.

Bydd y Rhaglen yn gwella gwybodaeth a sgiliau cynrychiolwyr ynghylch darparu cyfeiriad cryf a chymell eu tîm i gyflawni gweledigaeth a nodau'r sefydliad. Mae'r rhaglen yn datblygu eu sgiliau meddwl strategol - "gweithio 'ar' y busnes ac nid 'yn' y busnes". Mae Rhaglen Arwain Twf ION yn annog dirprwyo’r gwaith rheoli o ddydd i ddydd i weithlu grymus a medrus y gellir ymddiried ynddo, er mwyn i berfformiad strategol gael ei yrru ar bob lefel o'r sefydliad.

Dyfarniad ILM ac ardystiad DPP

Mae’r rhaglen yn cynnig Dyfarniad Lefel 5 mewn Arweinyddiaeth a Rheolaeth i gynrychiolwyr

Mae'r rhaglen hefyd wedi ei hardystio ar gyfer 70 awr o Ddatblygiad Proffesiynol Parhaus

I weld prisiau ar gyfer ein cyrsiau, cliciwch yma.

Strwythur rhaglen

3 sesiwn hyfforddi unigol
Cyfnewid gwybodaeth am arweinyddiaeth (gyda phartner o'r Cohort)
Dosbarthiadau meistr gyda digon o gyfle i gymryd rhan
Setiau dysgu gweithredol
Cynllun datblygiad personol a dyddiadur myfyriol
Cymorth dysgu gan diwtoriaid ac ar-lein
Ymweliad dilynol â'r safle ymhen 3 mis gan y tîm hwyluso

Yn anffodus, mae'r broses gofrestru wedi cau erbyn hyn.

Astudiaeth achos

Gweld pob un

""Er bod gennym ni sylfaen a gwybodaeth wych yn y maes adeiladu, ychydig oedden ni’n ei wybod am fusnes a rhedeg cwmni. Fe alluogodd y cwrs i mi gymryd cam yn ôl a gweld fy musnes o’r tu allan. Ers dechrau ar y cwrs, mae ein cwmni ni wedi gweld twf mewn trosiant ac elw, rydyn ni wedi cyflogi mwy o staff ac wedi rhoi gweithdrefnau gwell ar waith sy'n gwneud ein bywydau ni i gyd yn llawer haws.""

Shaun Welsh, Cyfarwyddwr Masnachol, Trojan Construction Management

Dysgu mwy

Astudiaeth achos

Gweld pob un

""Datgelodd y rhaglen fy ngwendidau i ac wedyn rhoddodd yr adnoddau i mi ailadeiladu ac, yn y pen draw, gwella strwythur, diwylliant, mwynhad a throsiant y busnes. Roedd cynnwys y cwrs yn ardderchog ac yn rhagori ar fy nisgwyliadau i. Fe gynyddodd ein trosiant ni 30%, fe flodeuodd y tîm busnes, cafodd strwythur a strategaeth eu creu a’u gweithredu a rhoddwyd adnoddau ar eu cyfer"."

Ben Ruddle, Cyfarwyddwr, Home Instead Senior Care

Dysgu mwy

Astudiaeth achos

Gweld pob un

""Un o'r pethau gorau rydw i wedi'i wneud yn fy mywyd i. O ran dod â fi allan o fy nghragen a rhoi ymdeimlad o hunaniaeth i mi mewn gwirionedd. Roeddwn i'n weithiwr, ac wedyn fe ddois i'n Rheolwr, a nawr rydw i'n Rheolwr Rhanbarthol. A phwy a ŵyr ble fydda’ i yn y dyfodol.""

Ashley Miles, Rheolwr Rhanbarthol, Miles Hire

Dysgu mwy

Astudiaeth achos

Gweld pob un

""Rydw i wastad wedi argymell y cwrs yma o'r dechrau un ers y profiad dros nos. Hwn oedd y cwrs mwyaf pleserus i mi ei wneud erioed (ac rydw i wedi gwneud cryn dipyn!). Fe wnaeth fy merch a fy mhartner busnes ddilyn y cwrs, roedd gennym ni reolwr arall wnaeth ei gwblhau y llynedd ac un arall yn dechrau yn y flwyddyn newydd. Rydw i'n meddwl y dylai pob person o fewn rôl arweinyddiaeth brofi'r cwrs yma. Mae'n wahanol i unrhyw un arall ac mae'r sgiliau sydd wedi’u dysgu, a’r twf personol, yn rhywbeth na ddylid ei golli. Mae’n siŵr o ysbrydoli unrhyw arweinydd, mae’n siŵr o ddod â gwên i wythnos o straen a rhai strategaethau i'ch helpu chi drwyddi. Rydw i’n credu bod hwn yn un cwrs na fedr fethu yn syml iawn"."

Lynda Hale, Tŷ Teulu

Dysgu mwy

Astudiaeth achos

Gweld pob un

"“Heb y cwrs ION, ni fyddai Empower yn bodoli, does dim amheuaeth – ’allwch chi ddim cael gwell cymeradwyaeth na hynny!”"

Jo Juliff, Sylfaenydd, Empower Wellbeing

Dysgu mwy

Astudiaeth achos

Gweld pob un

""Mae fy nyhead a fy ngallu i i ddysgu yn tyfu gyda phob sesiwn. Mae fy meddwl i’n cael ei ymestyn, ac rydw i'n datblygu o ganlyniad i'r cynnwys a'r profiad sy’n cael ei rannu gydag eraill.""

Dennis O’Connor, Rheolwr Partneriaethau a Masnachol, Croeso Sir Benfro

Dysgu mwy

Astudiaeth achos

Gweld pob un

""Roedden ni’n ei chael yn anodd cael dros £2 filiwn o refeniw fel cwmni. Yr hyn a roddodd ION leadership i mi oedd yr hyder i edrych ar gaffaeliadau, edrych ar ddod â mwy o staff i mewn, edrych ar wahanol wasanaethau, ac yn gyffredinol, ym mlwyddyn gyntaf ION leadership, fe wnaethon ni gyrraedd £2.1 miliwn, a oedd yn gyflawniad aruthrol, a nawr, 18 mis yn ddiweddarach, mae'r cwmni'n troi mwy na £4 miliwn. ’Fyddwn i ddim wedi gallu gwneud hynny heb ION leadership. ’Fyddwn i ddim wedi bod yn ddigon hyderus"."

Alex-Michelle Parr, Rheolwr Gyfarwyddwr, Wolfestone Translation

Dysgu mwy