English / Cymraeg

Am fwy o wybodaeth, cysylltwch â ni ar
ionleadership@swansea.ac.uk

Rhaglen Arwain Twf (32)

Proses cofrestru wedi cau

Mae'r cwrs wedi gorffen.

Crynodeb cwrs

Crynodeb o’r Cwrs

SYLWER: Mae’r rhaglen hon yn llawn ar hyn o bryd. Os oes diddordeb gennych yn y rhaglen hon, bydd rhestr aros, felly e-bostiwch ionleadership@abertawe.ac.uk

-------------------------------------------------------------------------------------------

Bydd y rhaglen hon yn cael ei chyflwyno’n rhithwir ar Zoom, gyda sesiwn profiad wyneb yn wyneb dros nos a’r opsiwn o raddio wyneb yn wyneb (edrychwch ar y manylion isod ar yr amserlen).

-------------------------------------------------------------------------------------------

Ar ein rhaglen Arwain Twf ILM Lefel 5 byddwch yn:

Deall amrywiaeth o arddulliau arwain a'r effaith ar berfformiad sefydliadol
Datblygu'r gallu i arwain, cymell ac ysbrydoli eraill i gyflawni canlyniadau
Sbarduno cynhyrchiant a pherfformiad
Ymuno â chymuned o bobl angerddol ac uchelgeisiol
Datblygu persbectif mwy strategol
Gwella twf personol

Bydd Rhaglen ION Arwain Twf yn canolbwyntio ar y sgiliau hanfodol sydd eu hangen ar arweinwyr a rheolwyr mewn sefydliadau bach, canolig a mawr. Bydd yn rhoi pwyslais arbennig ar ddatblygu eu sgiliau arwain i hwyluso twf ar gyfer eu busnesau.

Bydd y Rhaglen yn cyflwyno’r cyfranogwyr i Arferion Gwaith Perfformiad Uchel (HPWP), gan roi pwyslais arbennig ar arwain eu hunain ac arwain eraill, gan eu galluogi i ddatblygu a gweithredu cynlluniau cynaliadwy sy’n sbarduno cynhyrchiant a pherfformiad eu sefydliadau ymhellach.

Bydd y Rhaglen yn gwella gwybodaeth a sgiliau’r cyfranogwyr o ran darparu cyfeiriad cadarn a chymell eu tîm i gyflawni gweledigaeth a nodau’r sefydliad. Mae’r rhaglen yn datblygu eu sgiliau meddwl strategol – “gweithio ‘ar’ y busnes ac nid ‘yn’ y busnes”. Mae Rhaglen Arwain Twf ION yn annog dirprwyo rheolaeth o ddydd i ddydd i weithlu dibynadwy, medrus, wedi’i rymuso, er mwyn i berfformiad strategol gael ei sbarduno ar bob lefel o’r sefydliad.

Bydd y cyfranogwyr ar ein rhaglen Arwain Twf yn cael 3 sesiwn Hyfforddi Gweithredol hefyd.

Dyfarniad ILM ac ardystiad DPP

Mae'r rhaglen yn rhoi Dyfarniad Lefel 5 mewn Arweinyddiaeth a Rheolaeth i’r cyfranogwyr.

Mae'r rhaglen hefyd wedi'i hardystio ar gyfer 70 awr DPP.

Strwythur rhaglen

Strwythur y Rhaglen

3 sesiwn Hyfforddiant Gweithredol Unigol
Cyfnewid Gwybodaeth Arweinyddiaeth (gyda Phartner o'r Grŵp)
Dosbarthiadau meistr hynod gyfranogol
Setiau Dysgu Gweithredol
Cynllun Datblygu Personol a Chofnod Adlewyrchol
Tiwtor a chymorth dysgu ar-lein
I ennill y cymhwyster, bydd y cyfranogwyr yn cwblhau 2 aseiniad 2,500-3,000 o eiriau. Bydd y cyfranogwyr yn cael cefnogaeth gan eu harweinwyr rhaglen ar gwblhau eu haseiniadau.

Yn anffodus, mae'r broses gofrestru wedi cau erbyn hyn.

Astudiaeth achos

Gweld pob un

""Er bod gennym ni sylfaen a gwybodaeth wych yn y maes adeiladu, ychydig oedden ni’n ei wybod am fusnes a rhedeg cwmni. Fe alluogodd y cwrs i mi gymryd cam yn ôl a gweld fy musnes o’r tu allan. Ers dechrau ar y cwrs, mae ein cwmni ni wedi gweld twf mewn trosiant ac elw, rydyn ni wedi cyflogi mwy o staff ac wedi rhoi gweithdrefnau gwell ar waith sy'n gwneud ein bywydau ni i gyd yn llawer haws.""

Shaun Welsh, Cyfarwyddwr Masnachol, Trojan Construction Management

Dysgu mwy

Astudiaeth achos

Gweld pob un

""Datgelodd y rhaglen fy ngwendidau i ac wedyn rhoddodd yr adnoddau i mi ailadeiladu ac, yn y pen draw, gwella strwythur, diwylliant, mwynhad a throsiant y busnes. Roedd cynnwys y cwrs yn ardderchog ac yn rhagori ar fy nisgwyliadau i. Fe gynyddodd ein trosiant ni 30%, fe flodeuodd y tîm busnes, cafodd strwythur a strategaeth eu creu a’u gweithredu a rhoddwyd adnoddau ar eu cyfer"."

Ben Ruddle, Cyfarwyddwr, Home Instead Senior Care

Dysgu mwy

Astudiaeth achos

Gweld pob un

""Un o'r pethau gorau rydw i wedi'i wneud yn fy mywyd i. O ran dod â fi allan o fy nghragen a rhoi ymdeimlad o hunaniaeth i mi mewn gwirionedd. Roeddwn i'n weithiwr, ac wedyn fe ddois i'n Rheolwr, a nawr rydw i'n Rheolwr Rhanbarthol. A phwy a ŵyr ble fydda’ i yn y dyfodol.""

Ashley Miles, Rheolwr Rhanbarthol, Miles Hire

Dysgu mwy

Astudiaeth achos

Gweld pob un

""Mae fy nyhead a fy ngallu i i ddysgu yn tyfu gyda phob sesiwn. Mae fy meddwl i’n cael ei ymestyn, ac rydw i'n datblygu o ganlyniad i'r cynnwys a'r profiad sy’n cael ei rannu gydag eraill.""

Dennis O’Connor, Rheolwr Partneriaethau a Masnachol, Croeso Sir Benfro

Dysgu mwy

Astudiaeth achos

Gweld pob un

""Rydw i wastad wedi argymell y cwrs yma o'r dechrau un ers y profiad dros nos. Hwn oedd y cwrs mwyaf pleserus i mi ei wneud erioed (ac rydw i wedi gwneud cryn dipyn!). Fe wnaeth fy merch a fy mhartner busnes ddilyn y cwrs, roedd gennym ni reolwr arall wnaeth ei gwblhau y llynedd ac un arall yn dechrau yn y flwyddyn newydd. Rydw i'n meddwl y dylai pob person o fewn rôl arweinyddiaeth brofi'r cwrs yma. Mae'n wahanol i unrhyw un arall ac mae'r sgiliau sydd wedi’u dysgu, a’r twf personol, yn rhywbeth na ddylid ei golli. Mae’n siŵr o ysbrydoli unrhyw arweinydd, mae’n siŵr o ddod â gwên i wythnos o straen a rhai strategaethau i'ch helpu chi drwyddi. Rydw i’n credu bod hwn yn un cwrs na fedr fethu yn syml iawn"."

Lynda Hale, Tŷ Teulu

Dysgu mwy

Astudiaeth achos

Gweld pob un

"“Heb y cwrs ION, ni fyddai Empower yn bodoli, does dim amheuaeth – ’allwch chi ddim cael gwell cymeradwyaeth na hynny!”"

Jo Juliff, Sylfaenydd, Empower Wellbeing

Dysgu mwy

Astudiaeth achos

Gweld pob un

""Roedden ni’n ei chael yn anodd cael dros £2 filiwn o refeniw fel cwmni. Yr hyn a roddodd ION leadership i mi oedd yr hyder i edrych ar gaffaeliadau, edrych ar ddod â mwy o staff i mewn, edrych ar wahanol wasanaethau, ac yn gyffredinol, ym mlwyddyn gyntaf ION leadership, fe wnaethon ni gyrraedd £2.1 miliwn, a oedd yn gyflawniad aruthrol, a nawr, 18 mis yn ddiweddarach, mae'r cwmni'n troi mwy na £4 miliwn. ’Fyddwn i ddim wedi gallu gwneud hynny heb ION leadership. ’Fyddwn i ddim wedi bod yn ddigon hyderus"."

Alex-Michelle Parr, Rheolwr Gyfarwyddwr, Wolfestone Translation

Dysgu mwy